Дар шаби 20 июн, Теҳрон ба минтақаи наздики парки технологии шаҳри Беэр-Шева, ки дар он чандин ширкат, аз ҷумла Microsoft ҷойгир шудааст, бо мушакҳои баллистикӣ зарба зад. Дар бораи ин The Times of Israel ва CNN хабар доданд.
Гуфта мешавад, ки Эрон ба самти Исроил ҳадди ақал се мушак партоб кард. Қисме аз онҳо дар назди дафтари Microsoft, ба таваққуфгоҳи мошинҳо афтиданд.
Дар натиҷаи ҳамлаи Эрон шишабандии бино зарар дид. Ҳамчунин, пас аз таркиш, ҳадди ақал шаш мошин оташ гирифтанд. Баъзе хонаҳои истиқоматии наздик низ зарар диданд.
Артиши дифои Исроил изҳор доштааст, ки як мушаки эрониро сарнагун кардааст ва сӯхтор аз ҳисоби пораҳои он ба вуҷуд омадааст.
Шаҳри Беэр-Шева дар биёбони Негев ҷойгир аст, ки дар он пойгоҳи ҳавоии Неватим воқеъ мебошад. Тибқи маълумоти ВАО, дар натиҷаи ҳамлаи Эрон ба шаҳр, ҳадди ақал 18 нафар осеб дидаанд, хабар медиҳад korrespondent.net.
