Бандари Тянтсин яке аз бузургтарин ва замонавитарин бандарҳои баҳрии Чин буда, дар занҷирҳои тиҷоратӣ ва логистикии ҷаҳонӣ нақши муҳим мебозад. Ин бандар беш аз 400 бандар дар 180 кишвари ҷаҳон хизматрасонӣ мекунад. Масири нави роҳи оҳан ин гиреҳгоҳи муҳими нақлиётиро бо Осиёи Марказӣ мепайвандад ва барои ҳамкории минтақавӣ ва байналмилалӣ имкониятҳои иловагӣ фароҳам меорад.
Ифтитоҳи ин масир имкон медиҳад: масофаи интиқол 800 километр кӯтоҳ гардад; муҳлати расонидани борҳо ба таври назаррас кам шавад; хароҷоти нақлиётӣ коҳиш ёбанд.
Интизор меравад, ки ин шоҳроҳи нави нақлиётӣ ба афзоиши гардиши мол миёни кишварҳо, диверсификатсияи хатсайрҳои логистикӣ ва рушди иқтидори содиротиву воридотии Ӯзбекистон мусоидат мекунад. Илова бар ин, он барои ҷалби сармоягузорони хориҷӣ ва баланд бардоштани рақобатпазирии маҳсулоти Ӯзбекистон дар бозорҳои хориҷӣ шароити мусоид фароҳам меорад.
Ин шохаи нав дар таҳкими ҳамкориҳои иқтисодӣ миёни Чин ва кишварҳои Осиёи Марказӣ, ҳамзамон дар амалӣ гардондани ташаббуси «Як камарбанд, як роҳ» қадами муҳим ба шумор меравад.
