"Вазъиятро дар Лубнон метавон ҳамчун ҳолати изтирорӣ тавсиф кард, ки шаш беморхона пурра аз кор монда, панҷ беморхона қисман кор мекунанд, ки артиши Исроил ба муассисаҳои тиббӣ 23 ҳамла анҷом дод - 70 корманди тиббӣ кушта шуданд" гуфт ӯ.
Муноқиша байни Исроил ва Ҳизбуллоҳ дар моҳи октябри соли 2023 замоне авҷ гирифт, ки ҷунбиши Лубнон ба тирборонии давлати яҳудиён ба хотири ҳимоят аз Ҳамос шурӯъ кард. Даҳҳо ҳазор сокинони манотиқи шимолии кишвар маҷбур шуданд, ки он ҷоро тарк кунанд.
Аз 23 сентябр инҷониб артиши Исроил бомбборони густарда ба ҳадафҳои Ҳизбуллоҳро анҷом медиҳад, ки дар он раҳбарони ҷунбиш, аз ҷумла дабири кулл Ҳасан Насруллоҳ ва ворисони эҳтимолии ӯ кушта шуданд. Рӯзи 1 октябр артиши Исроил амалиёти заминиро оғоз кард, хабар медиҳад ria.ru.
Дар Исроил ҳадафи асосии маъракаи низомӣ фароҳам овардани шароит барои бозгашти сокинони минтақаҳои шимолӣ мебошад.
