Дар доираи муаррифии сайёҳии «Ӯзбекистон – гавҳари Роҳи абрешим» дар Шанхай мулоқоти роҳбари Кумитаи сайёҳӣ У.Шадиев ва роҳбари гурӯҳи «China Comform Tourism» Чж. Нан баргузор гардид.
Дар ҷаласа яке аз ширкатҳои сайёҳии пешбари Чин оид ба туризми берунӣ "CCT" эълон кард, ки дар соли ҷорӣ 50 ҳазор сайёҳи чиниро ба Ӯзбекистон мефиристад. Барои ноил шудан ба ин нишондодҳо чорабиниҳои зарурӣ ва корҳои тарғиботӣ муайян карда шуданд.
Барои маълумот: гурӯҳи сайёҳии «ССТ», ки соли 1984 таъсис ёфтааст, дар Чин 300 филиал ва беш аз 3000 нуқтаи фурӯш дорад. Даромади солона 1,5 миллиард долларро ташкил медиҳад.
19 декабри соли 2024 дар доираи татбиқи дастури Президенти Ҷумҳурии Ӯзбекистон оид ба ҷалби 1 миллион сайёҳи чинӣ дар як сол, дар Фурудгоҳи байналмилалии Тошканд ба номи Ислом Каримов маросими кушодашавии хатсайри нави ҳавопаймоии ширкатии "Qanot Sharq" бо масири «Тошканд - Саня - Тошканд» баргузор шуд.
Дар доираи ифтитоҳи “Соли сайёҳии Ӯзбекистон дар Чин” бо раиси Шӯрои директорони корпоратсияи «CYTS» Ни Янпин, котиби ширкат «CYTS Cultural Tourism Industry» Ли Дунчан, ноиби президенти корпоратсияи «China Comfort Travel Group» Канг Кай ва дигар туроператорони Чин вохӯриҳои корӣ баргузор шуданд.
Дар доираи «Форуми сармоягузорӣ ба сайёҳии Ӯзбекистон ва Чин» дар Пекин раиси Кумитаи сайёҳии Ӯзбекистон Умид Шадиев бо роҳбарони бузургтарин платформаҳои сайёҳии Чин мулоқот кард.
Вазири корҳои хориҷии Ӯзбекистон Бахтиёр Саидов бо вазири корҳои хориҷии Чин Ван И мулоқот анҷом дод. Дар ҷараёни гуфтушунидҳо роҳбарони идораҳои сиёсати хориҷии ду кишвар созишномаи иҷозати сафарҳои бераводид барои шаҳрвандони ҳар ду кишварро ба муҳлати то 30 рӯз имзо карданд.
