Ҳамзамон, дар изҳороти ниҳоӣ чизе дар бораи дурнамои узвияти Украина дар Паймон зикр нагардидааст. Инчунин, раҳбарон дар ин дафъа аз амалкарди Русия нисбат ба Украина, бар хилофи изҳоротҳои қаблӣ, интиқод накарданд. Аммо кишварҳои узви НАТО Русияро ҳамчун таҳдиди дарозмуддати амнияти евро-атлантикӣ арзёбӣ карданд.
Иттифоқчиён ба тавофуқ расиданд, ки хароҷот барои дифои дастаҷамъонаро то соли 2035 ба 5 фоизи Маҷмӯи маҳсулоти дохилӣ (ММД) расонанд.
Дар изҳорот омадааст:
"Мо уҳдадории қатъии худро ба дифои дастҷамъӣ, ки дар моддаи 5-и Созишномаи Вашингтон муқаррар шудааст, тасдиқ мекунем. Мувофиқи он, ҳамла ба як узв, ҳамла ба тамоми аъзои Паймон ҳисобида мешавад."
