Дар ин бора дар ҷамъомади видеоселекторӣ, ки 16 декабр доир гардид, супориш дода шуда буд. Бар асоси ин, дар соли 2025 бо ҷойи кор таъмин кардани ҷамъ 5 миллиону 200 ҳазор нафар, аз ҷумла аз тарафи бонкҳо таъмини шуғли беш аз 3 миллион нафар пешбинӣ шудааст.

Бо ин мақсад ҳокимони 208 шаҳру ноҳияҳо ва роҳбарони бонкҳо аз рӯйи таъмини шуғл ва афзунсозии даромади аҳолӣ шартномаҳои ҳамкорӣ имзо карданд, ки дар он ҳуқуқ ва ӯҳдадориҳои мушаххаси тарафҳо нишон дода шудааст.

Барои ҳар як маҳалла нишондиҳандаҳои мақсаднок муқаррар гардиданд. 1 миллиард доллар захираҳои кредит, ки дар доираи барномаи “Лоиҳаи маҳалла” барои таъмини шуғли аҳолӣ равона шудааст, дар қиёси бонк ва минтақаҳо тақсим карда шуд. Ба роҳбари бонки ноҳия бобати таҳияи лоиҳа, ҷудо кардани кредит, таъмини шуғли аҳолӣ нишондиҳандаи самараноки ҳармоҳа гузошта шуд.

Акнун раиси Бонки марказӣ ва ҷонишинҳои ӯ ба минтақаҳо баромада, кори филиалҳои бонкҳои минтақаро дар маҳаллаҳо дар асоси тамоюли нав ташкил мекунанд. То 1 феврали соли 2025 дар филиалҳои бонкҳо дар ноҳияҳо шӯъбаҳои корбарии маҳаллабайъ ташкил гардида, ба онҳо «банкирҳои маҳалла» таъин карда мешаванд. Инчунин, дар ҳар як маҳалла барои бо онҳо якҷоя кор кардан "агентҳои ёрирасон" интихоб мегарданд.

Бонкҳои минтақавӣ ва ҳокимони ноҳияҳо аҳолиро бо лоиҳаҳои тайёри тиҷоратӣ шинос карда, роҳҳои татбиқи онҳоро меомӯзанд. Системаҳои иттилоотии “online-mahalla.uz”, “bank-kredit.uz” ва “soliq.uz” интегратсия гардида, иҷрои супоришоти дар назди масъулон гузошташуда ҳаррӯза таҳлил мегардад. Нисбат ба роҳбароне, ки фаъолияташон ғайриқаноатбахш аст, чора дида мешавад.

Таъкид гардид, ки соли 2025 дар таъмини шуғли аҳолӣ ва коҳиши сатҳи камбизоатӣ соли ҳалкунанда хоҳад буд ва барои ин бояд фаъолияти ҳамоҳанги ҳокимиятҳои маҳаллӣ ва сохторҳои иқтисодию молиявӣ фаъол карда шавад.