Дар ҷараёни мулоқот тарафҳо натиҷаҳои корҳои пешакӣ дар бораи ташкили курсҳои такмили ихтисос барои 150 намояндаи мақомоти давлатии ҷумҳуриро, ки дар асоси РАНХиГС - яке аз муассисаҳои пешрафтаи илмӣ ва таълимии Русия гузаронида мешаванд, баррасӣ намуданд.
Қайд гардид, ки Стратегияи «Ӯзбекистон-2030» вазифаҳои мушаххасро барои ташаккул ва омода намудани захираи кадрӣ дар кишвар дар бар мегирад. Бо мақсади тайёр кардани мутахассисон дар самтҳое, ки барои ҳалли масъалаҳои рушди иқтисоди миллии Ӯзбекистон заруранд, ба мавзӯи модулҳо пешниҳодҳои мувофиқ ворид карда шуданд.
Дар доираи мулоқот байни Вазорати сармоягузорӣ, саноат ва савдои Ҷумҳурии Ӯзбекистон ва Академияи русиягии хоҷагии халқ ва хизмати давлатии назди Президенти Федератсияи Русия меморандуми ҳамкорӣ ба имзо расид.
Дар натиҷаи чорабинӣ тарафҳо итминон доданд, ки меморандум бо муваффақият амалӣ мешавад, ки ин дар навбати худ ба беҳтар шудани сифати таъминоти кадрии мақомоти давлатӣ мусоидат менамояд. Итминон изҳор шуд, ки ҳамкориҳои Ӯзбекистон ва Русия дар соҳаи табодули академӣ, илмӣ ва фарҳангӣ, аз ҷумла татбиқи барномаҳои таълимӣ, илмӣ ва фарҳангӣ минбаъд густариш хоҳанд ёфт.
