Қарори мазкурро иҷрокунандаи вазифаи ҳокими пойтахт Шавкат Умурзоқов қабул кард.
Маблағ дар ҳаҷми 700 миллион сӯм барои таъмири коллекторҳо, низоми обпарто ва гузоштани ҷӯйборхои нави бетонӣ равона карда мешавад. Маблағ аз фонди захиравии буҷети Тошканд ҷудо карда мешавад.
Гуфта мешавад, ки барои пешгирӣ аз обхезӣ дар вақти борон тадбирҳои дахлдор андешида мешаванд.
Ёдовар мешавем, ки ҳафтаи гузашта Президент Шавкат Мирзиёев роҷеъ ба сохтмони манзил ва барномаи ипотекӣ ҷаласа баргузор карда, дар он гуфта шуда буд, ки боришот ба таври возеҳ аз вазъи бади шабакаҳои обгузари шаҳр шаҳодат медиҳад. Сарвари давлат ба Вазорати сохтмон ва ҳокимияти шаҳри Тошканд супориш дод, ки дар давоми ду ҳафта барномаи ҳалли ин масъаларо таҳия ва амалӣ намоянд.
