Ба гузориши хабаргузории Report, бо истинод ба расонаҳои хориҷӣ, дар ин бора пулиси маҳаллӣ хабар додааст.

Тибқи маълумот, ҳодиса дар ҷамоати Вахтберг, ҳаммарз бо Бонн ва як қисми ноҳияи маъмурии Кёлн рух додааст, касе осеб надидааст.

Мувофиқи маълумотҳои пешакӣ сухан дар бораи таркиши камқувват меравад. Ҷустуҷӯи гумонбарон идома дорад.

Пулис иртиботи ин ҳодиса ва таркишҳои ҳафтаи равон дар Кёлнро истисно намекунад. Рӯзи душанбе дар наздикии клуби Vanity Club Cologne таркиш рух дод, ки бар асари он як нафар маҷрӯҳ шуд. Пулиси Кёлн акси гумонбари эҳтимолиро, ки маводи таркандаро гузоштааст, нашр кард. Рӯзи чаҳоршанбе дар наздикии як дӯкони либос инфиҷор рух дод.

Мақомоти интизомӣ бар ин назаранд, ки дар ин ҳодисаҳо гурӯҳҳои муташаккили ҷиноии Нидерланд, ки ба қочоқи маводи мухаддир машғуланд, даст доранд.