Сарвазири Исроил Бенямин Нетаняҳу шоми рӯзи сешанбе, пас аз он ки Исроил ҷунбиши ҲАМОСИ Фаластинро дар вайрон кардани оташбас айбдор кард, ба артиш фармон додааст, ки ба Ғазза зарбаҳои "фаврӣ ва қавӣ" анҷом диҳанд.
Нетаняҳу дар изҳорот гуфт, ки ин фармон пас аз машваратҳои амниятӣ бо мақомоти баландпояи мудофиа дода шудааст.
Рӯзи сешанбе радиои артиши давлатии Исроил хабар дод, ки пас аз ҳамлаи ҷанговарони ҲАМОС ба мавқеъҳои Исроил бо аслиҳаи зиддитанкӣ ва тирҳои снайперӣ, нерӯҳои Исроил ба шаҳри Рафаҳ, воқеъ дар ҷануби бахши Ғазза, тирпарронии артиллерӣ анҷом доданд. ҲАМОС ҳанӯз дар бораи иттиҳомоти Исроил шарҳ надодааст, хабар медиҳад russian.news.cn.
Вазорати корҳои хориҷии Беларус вакили муваққати Литва дар Беларус Эрикас Вилканекасро даъват кард. Бар ӯ дар робита бо вайрон кардани қоидаҳои вуруд ба сарҳад тавассути дастгоҳи бесарнишин эътироз баён кард.
Обшавии пиряхҳо ва кам шудани захираи обҳои зеризаминӣ сатҳи ҷаҳонии баҳрро боло мебарад. Тадқиқоти аз ҷониби олимон анҷомёфта нишон доданд, ки тақсимшавии дубораи об ҳамчунин меҳвари гардиши Заминро низ тағйир медиҳад.
