Чорабиниҳо дар доираи барномаи будубоши Президенти Ҷумҳурии Ӯзбекистон Шавкат Мирзиёев дар шаҳри Санкт-Петербург ба анҷом расиданд.
Имрӯз, роҳбари давлати мо дар ҷамъомади навбатии Шӯрои олии иқтисодии Авруосиё суханронӣ намуд.
Дирӯз, 25 декабр, раҳбари Ӯзбекистон дар нишасти ғайрирасмии сарони давлатҳои Иттиҳоди Давлатҳои Мустақил ширкат варзид.
Пас аз анҷоми сафари корӣ, роҳбари давлати мо аз фурудгоҳи байналмилалии “Пулково” ба самти Тошканд парвоз намуд. Меҳмони олимақомро губернатори шаҳри Санкт-Петербург Александр Беглов ва дигар шахсони расмӣ гусел карданд.
Дар ҷараёни суҳбати телефонӣ, ки 24 декабр баргузор шуд, Президенти Ҷумҳурии Ӯзбекистон Шавкат Мирзиёев Президенти Ҷумҳурии Озарбойҷон Илҳом Алиевро бо зодрӯзаш самимона табрик намуд.
Президенти Ҷумҳурии Ӯзбекистон Шавкат Мирзиёев бо даъвати Президенти Федератсияи Русия Владимир Путин ба шаҳри Санкт-Петербург барои иштирок дар нишастҳои ИДМ ва Иттиҳоди иқтисодии АвруОсиё, ки 25-26 декабр баргузор мешаванд, сафар корӣ анҷом медиҳад.
