Имрӯз, 14 январ, Сарвари давлати мо дар маросими кушодашавии Нишасти байналмилалии «Ҳафтаи рушди устувори Абӯ Дабӣ» ва супоридани Ҷоизаи Шайх Зоид дар соҳаи рушди устувор иштирок кард.
Дар ин чорабинӣ инчунин Президенти Аморат Шайх Муҳаммад Ол Наҳаён, Президенти Ҷумҳурии Озарбойҷон Илҳом Алиев, Президенти Ҷумҳурии Қазоқистон Қосим-Жомарт Тоқаев, Сарвазири Малайзия Анвар Иброҳим, Президенти Нигерия Бола Тинубу, Президенти Руанда Пол Кагаме, Президенти Ҷазираҳои Сейшел Уовел Рамкалаван, Президенти Уганда Йовери Мусевени ва сарони кишвар ва ҳукумаҳои дигар хориҷӣ ширкат варзиданд.
Пас аз истиқболи меҳмонони олӣ аз ҷониби роҳбари Аморат аксбардории муштарак баргузор шуд.
Ҳафтаи рушди устувори Абӯ Дабӣ як платформаи глобалӣ мебошад, ки соли 2008 аз ҷониби ҳукумати АМА ва ширкати «Masdar» барои ҳалли мушкилоти ҷаҳонӣ дар соҳаи рушди устувор таъсис дода шудааст. Ҳадафи форуми мазкур суръат бахшидан ба рушди устувор дар ҷаҳон, пешрафти иқтисодӣ, иҷтимоӣ ва экологӣ, таъмини амнияти озуқа ва об, пешбурди сарфаи энергия ва декарбонизатсия мебошад.
Дар рӯзномаи нишасти имсола масъалаҳои таъмини рушди устувор, пешбурди инноватсия ва технологияҳои нав дар соҳаи иқтисоди "сабз", таҳкими ҳамкориҳои минтақавӣ дар соҳаи амнияти энергетикӣ ва озуқаворӣ баррасӣ мегарданд.
Дар чаҳорчӯби форум ҳамчунин маросими ҷоизасупорӣ барои дастовардҳо дар соҳаи рушди устувор баргузор мешавад, ки ба номи асосгузори Аморат - марҳум Шайх Зоид Ол Наҳаён гузошта шудааст. Имсол ғолиби номинатсияи «Мактабҳои миёнаи ҷаҳонӣ» мактаби президентӣ дар шаҳри Тошканд эълон шуд.
Ҷоизаро Президенти Аморати Муттаҳидаи Араб Шайх Муҳаммад бин Зоид Ол Наҳаён супурд.
Президенти Шавкат Мирзиёев бо намояндагони мактаб вохӯрда, онҳоро бо ғалабаашон самимона табрик гуфт.
