Масъалаҳои амиқсозии минбаъдаи ҳамкориҳои ҳамаҷониба бо гурӯҳи Бонк дар доираи Барномаи нави шарикии миёнамуҳлат баррасӣ шуданд.
Бо қаноатмандӣ зикр гардид, ки айни замон сандуқи лоиҳаҳои муштарак аз 1,3 миллиард доллар бо фарогирии соҳаҳои афзалиятноки иқтисодиёт мегузарад. Дар доираи форум созишномаҳо оид ба татбиқи лоиҳаҳо дар соҳаи навсозии инфрасохтори деҳот ва нақлиёт, рушди таълими томактабӣ ба маблағи 400 миллион доллар имзо шуданд.
Ба васеъ гардондани ҳамкориҳои амалӣ ва пешбурди лоиҳаҳои мушаххас дар соҳаи дастгирии соҳибкорӣ ва сармоягузории хусусӣ, такмили воситаҳои молиявӣ, ҷалби фаъолонаи сохторҳои бонк ба фаъолияти лоиҳавӣ, инчунин оид ба васеъ гардондани кумаки техникӣ дар масъалаҳои дохил шудани кишвари мо ба СҶС ва фароҳам овардани низоми экологии сармоягузорӣ таваҷҷуҳи муҳим дода шуд.
