Дар ҷараёни ташрифи давлатии Президенти Федератсияи Русия Владимир Путин бинобар даъвати Президенти Ҷумҳурии Ӯзбекистон Шавкат Мирзиёев як қатор чорабиниҳои муштарак баргузор шуданд.
26 май сарони давлатҳо якҷо аз маҷмӯи «Ӯзбекистони Нав» боздид ба амал оварданд, дар он ҷо сарвари Русия ба пояи Муҷассамаи Истиқлолият гулчанбар гузошт.
27 май гуфтушунидҳои сатҳи олӣ дар доираи танг ва васеъ ба амал омаданд, дар ҷараёни онҳо Президентҳо тамоми ҷиҳатҳои масоили рӯзмарраи рӯзномаи дуҷонибаро баррасӣ карданд, маърӯзаҳои аъзои ҳайатҳоро бинобар самтҳои асосӣ шуниданд, бобати мавзӯъҳои байналхалқӣ ва минтақавӣ табодули афкор намуданд.
Изҳороти муштараки сарони давлатҳо имзо шуд, мубодилаи ҳуҷҷатҳои байниҳукуматӣ ва байниидоравӣ баргузор гардид.
Владимир Путин ҳамроҳи Шавкат Мирзиёев аз Майдони Ғалаба боздид ба амал оварда, ба пояи ёдгории «Мадҳияи субот» гул гузошт, бо осорхонае, ки аз хусуси саҳми Ӯзбекистон дар Ғалабаи Ҷанги дуюми ҷаҳон ҳикоя мекунад, шинос гардид.
Худи ҳамон рӯз таҳти сарварии Президентҳо ҷамъомади нахустини Шӯрои минтақаҳои ду кишвар баргузор шуд, дар он афзалиятҳои таҳкими минбаъдаи мулоқоти байниминтақавӣ ва сарпур сохтани он бо муҳтавои нави амалӣ мушаххас карда шуданд.
Баъди анҷоми чорабиниҳои ташриф Президент Шавкат Мирзиёев дар аэропорти Тошканд Президент Владимир Путинро гуселонид.
Сарони давлатҳо бо якдигар гарму ҷӯшон хайрухуш карданд.
