Пешвоён натиҷаҳои босамари мулоқотро, ки дар фазои кушод, боэътимод ва дӯстона баргузор гардид, олӣ арзёбӣ намуданд.
Роҳбари давлатамон риштаҳои зичи анъанавии байни ду халқро, ки ба муштаракоти динӣ, шабоҳати таомул ва арзишҳо асос меёбанд, махсус таъкид намуд.
– Малайзия давлате мебошад, ки на танҳо дар фазои Осиёи Ҷанубӣ-Шарқӣ, балки дар тамоми ҷаҳон суръати рушди муттасил зоҳир менамояд, шарики боэътимод ва озмудашуда мебошад, – таъкид кард Президенти Ӯзбекистон.
Қаробати мақсад ва вазифаҳои татбиқгардандаи барномаҳои стратегии рушд ва такомули «Ӯзбекистон – 2030» ва «Малайзия Маданӣ» таъкид шуд.
Зикр гардид, ки ин ташрифи таърихии Сарвазири Малайзия дар таърихи муносибати дуҷониба саҳифаи нав боз менамояд ва барои инкишофи онҳо таҳрики қавӣ мебахшад.
Зимни мулоқот самтҳои бартаринок ва марраҳои нав оид ба минбаъд вусъат додани ҳамкории муфиди тарафайн муайян карда шуданд.
Муоҳидаҳо дар бораи фаъолсозии гуфтугӯи сиёсӣ ва алоқаҳо дар дараҷаҳои олӣ ва баланд, роҳандозии Комиссияи муштараки байниҳукуматӣ ба даст омаданд.
Кӯшиши ҷонибҳо ҷиҳати дар ояндаи наздик ба дараҷаи шарикии ҳамаҷониба расондани муносибати тарафайн изҳор гардид.
Эътибори махсуси пешвоён ба масъалаҳои пурзӯр намудани табодули амвол ва миқдори корхонаҳои муштарак нигаронда шуд. Ҷонибҳо қарор намуданд, ки кори низомнокро оиди ба маротиб афзудани ин нишондодҳо роҳандозӣ намуда, ба он дар ояндаи наздик муваффақ гарданд.
Роҳбари давлатамон таъкид намуд, ки барои ба ин мақсад даст ёфтан вусъат додани номенклатура ва таъмини таносуби савдои тарафайн, баромади муштарак ба бозорҳои мамлакатҳои сеюм, ба вуҷуд овардани минтақаи махсуси саноатӣ барои пеш бурдани лоиҳаҳои баландтехнологӣ мусоидат хоҳанд намуд.
Нақшаҳои мушаххас оид ба ҳамкорӣ дар соҳаҳои энергетика, нафту кимё, истихроҷ, саноати электротехника, хоҷагии қишлоқ, хӯрокворӣ, дорусозӣ, молия, IT ва дигар соҳаҳо муайян карда шуданд.
Изҳори бовар карда шуд, ки ҷузви шартномаҳои калони сармоягузорӣ, ки бинобар натиҷаи бизнес-форум дар шаҳри Самарқанд бо иштироки ширкатҳои пешқадами ду мамлакат имзо мегардад, шарикиро бо мазмуни нав ғанӣ мегардонад.
Пайравии идома додани гуфтугӯи наздик ва дастгирии ҳамдигар дар доираҳои ташкилотҳои минтақавӣ ва байналхалқӣ собит гардид.
Чорабиниҳое андешида мешаванд, ки ба вусъат додани табодули маданиву гуманитарӣ, ки шомили баргузор намудани ҳафтаҳои маданият, анҷумани ҷавонон, таълим ва варзиш, намоишгоҳҳои мухталиф мебошанд, нигаронда шудаанд.
Таъкид шуд, ки натиҷаҳои анҷумани баргузоршуда ба мустаҳкам гардидани муносибати Ӯзбекистону Малайзия, бо мазмуни нави амалӣ пурра намудани шарикии бисёрҷанба хидмат хоҳанд кард.
Бинобар ҷамъбасти мулоқотҳо қабул намудани «нақшаи роҳ» оид ба татбиқи саривақтӣ ва сифатноки тамоми шартномаҳои қабулгардида ҳамоҳанг карда шуд.
