20 декабр дар қароргоҳи «Кантэй» маросими истиқболи расмии Президенти Ҷумҳурии Ӯзбекистон Шавкат Мирзиёев баргузор шуд.
Сарвазири Ҷопон Санаэ Такаичи бо самимият Сарвари давлати моро истиқбол намуда, ӯро ба шоҳсуфа даъват кард.
Суруди миллии ду кишвар садо дод. Роҳбарон аз назди сафи қаровули фахрӣ гузашта, аъзои ҳайатҳои расмиро хайрамақдам гуфтанд.
Сипас аксбардории муштарак анҷом ёфт.
Баъдан музокирот дар сатҳи олӣ оғоз гардид.
Тавре ки Сарвари давлати мо таъкид намуд, маориф, илм ва сармоягузорӣ ба рушди сармояи инсонӣ, ки пояи «муъҷизаи иқтисодии» Ҷопон ба ҳисоб мераванд, яке аз самтҳои стратегии ҳамкории Ӯзбекистон ва Ҷопон мебошанд.
Дар идомаи барномаи чорабиниҳои Муколамаи «Осиёи Марказӣ + Ҷопон» Президенти Ҷумҳурии Ӯзбекистон Шавкат Мирзиёев дар форуми бисёрҷонибаи соҳибкорӣ иштирок кард.
Дар анҷоми чорабиниҳои рӯзи аввали сафари расмӣ ба шаҳри Токио Президенти Ҷумҳурии Ӯзбекистон Шавкат Мирзиёев дар қабули расмӣ аз номи Сарвазири Ҷопон иштирок кард. Қабул дар қасри Акасака ба ифтихори сарони давлатҳои Осиёи Марказӣ баргузор гардид.
Дар идомаи барномаи корьӣ дар шаҳри Токио Президенти Ҷумҳурии Ӯзбекистон Шавкат Мирзиёев президенти ширкати Sumitomo Corporation Шинго Уэноро ба ҳузур пазируфт.
