Ҳангоми корҳои таъмирӣ дар рӯи бино лавҳаи аҷиби кӯҳнаро пайдо карданд. Пас аз ин, Агентии кинематография мутахассисонро барои омӯзиши бозёфт даъват кард. Коршиносон тасдиқ карданд, ки лавҳа дарвоқеъ кошинкории "Духтари кокулдор" -и Алфред Мазитовро мемонад.
Раиси Иттифоқи рассомон Акмал Нур ва коршиносон гуфтанд, ки лавҳаи бо нақшу нигор бояд барқарор карда шавад. Аз ин рӯ, қарор шуд, ки ин сурати рӯидеворро ҳифз намуда, дар заминаи лавҳаи "Духтари кокулдор" тарҳи нави бино таҳия карда шавад.
Бо иҷоранишинон ва бинокорони манзил такроран музокирот гузаронда шуда, мувофиқи тарҳи нав дастурҳо дода шуданд. Қобили зикр аст, ки қаблан тарҳи комилан дигари бино ба нақша гирифта шуда буд ва дар ҷои лавҳаи ёфтшуда насби экран барои эълонҳо пешбинӣ шуда буд. Ҳоло маҳз "Духтари кокулдор" тарҳи нави биноро муайян мекунад.