30 июн дар бинои Фурудгоҳи байналмилалии ба номи Ислом Каримов маҷлиси тантанавии нахустин парвози хатсайри “Тошканд – Будапешт – Тошканд”-и ширкати ҳавопаймоии Qanot Sharq баргузор шуд.
Ифтитоҳи хатсайри нав боиси ҷалби бештари сайёҳон аз Аврупо ва ошноии онҳо бо мавзеъҳои беназири фарҳангиву таърихии Ӯзбекистон мегардад.
Дар чорабинӣ Сафири Венгрия дар Ўзбекистон Йожеф Рожа, намояндагони Кумитаи туризм, Вазорати нақлиёт, ҶС «Uzbekistan Airports» ва му3софирон иштирок карданд.
Дар расми кушоди ботантана нотиқон дар бораи аҳамияти парвози нав барои ҳар ду мамлакат сухан ронданд. Дар доираи вохӯрӣ намоишгоҳи аксҳо ташкил карда шуда, баромадҳои рақсӣ намоиш дода шуданд.
Қарори Девони Вазирони Ҷумҳурии Ўзбекистон «Дар бораи тасдиқ кардани Низомномаи муваққатӣ дар бораи тартиби додани субсидия ба субъектҳои Ҷумҳурии Қароқалпоқистон, ки пахта, зироати ғаллагии хушагӣ, ва шолӣ мерӯёнанд, барои хароҷоти ҳамворкунии замин бо истифода аз агрегатҳои заминсозӣ бо дастгоҳи лазерӣ дар солҳои 2024-2025» аз 24 июни соли 2024 № 348 қабул гардид.
Дар арафаи Рӯзи ҷавонон бинобар фармон ва қарори Президенти Ҷумҳурии Ӯзбекистон гурӯҳи ҷавонони фаъол, ки ба рушди мамлакатамон саҳми муносиб гузоштаанд, бо медалҳои «Келажак бунёдкори» ва мукофоти давлатии «Мард ӯғлон» тақдир гардиданд.
Дар шаҳри Ангрени вилояти Тошканд фаъолияти стансияи замонавии партовҷамъкунӣ, ки ба сокинони ҳудуди корхонаҳои тозакунии санитарӣ дар асоси созишнома дар бораи шарикии давлатию хусусии «Zero Waste» хидмат мерасонад, ба роҳ монда шуд.
