Маълум аст, ки ин мусобиқаест, ки аз ҷиҳати обрую нуфуз пас аз бозиҳои олимпӣ меистад. Дар чемпионат, ки дар мамлакати мо бори аввал гузаронда мешавад, 571 нафар дзюдочиён аз 82 мамлакат иштирок доранд. Ба ҳайати мунтахаби Ӯзбекистон 18 нафар мардону занон шомиланд.

Сарвари давлатамон даври ниҳоии мусобиқаи мардонаро дар вазни то 90 кило тамошо кард. Ҳамватани мо Давлат Бобонов дар як муборизаи сахт бар рақиби итолиёиаш Кристиан Парлати пирӯз шуда, соҳиби медали тилло гардид. Ин боз як муваффақияти барҷастаи варзиши ватанӣ гардид.

Ба ғолиб ва ҷоизадорон – Давлат Бобонов медали (тилло), Кристиан Парлати (нуқра), гурҷӣ Лаша Бекаури ва Лука Майсурадзе (биринҷӣ)-ро Президент Шавкат Мирзиёев супурд.

Дар рӯзҳои боқимондаи мусобика боз чор намояндаи мамлакати мо ба татами мебароянд. Чемпионати ҷаҳон 13 октябр ба охир мерасад.