Тавре Report хабар медиҳад, дар ин бора шерифи ҳавза Роберт Луна ба бахши маҳаллии телевизиони ABC изҳор доштааст.

Масоҳати умумии сӯхторҳо аз 10 ҳазор гектар зиёд шуда, афзоиш меёбад, шаҳодат медиҳад маълумоти Хадамоти сӯхторхомӯшкунии Калифорния. Оташ зиёда аз 1 ҳазор иншоотро нобуд кардааст. Дар вилояти Лос-Анҷелес беш аз 930 ҳазор истеъмолкунандаи неруи барқ бе барқ мондаанд.

Тибқи пешгӯии ширкати машваратии AccuWeather, зарар ва талафоти иқтисодӣ аз сӯхторҳо аз $52 млрд то $57 млрд хоҳад буд.

Барои хомӯш кардани оташ тақрибан 1,5 ҳазор сӯхторхомӯшкунанда фаъолият доранд. Мақомоти маҳаллӣ барои кумак аз вилоятҳои ҳамсоя сӯхторхомӯшкунандагонро даъват карданд, инчунин кормандони хадамоти изтирорӣ аз иёлатҳои Вашингтон, Орегон, Невада фиристода шудаанд. Аммо то ҳол ҳеҷ яке аз ин се сӯхтор ҷилавгирӣ нашудааст. Дар минтақаи сӯхторҳо намии паст бо шамолҳои сахт ҳукмфармо мебошад.