Бо даъвати Президенти Ҷумҳурии Ўзбекистон Шавкат Мирзиёев Президенти Ҷумҳурии Қирғизистон Садир Жапаров ҳамроҳи ҳамсараш 18 июл бо сафари давлатӣ ба кишвари мо ташриф овард.
Дар фурудгоҳи байналмилалии Тошканд онҳоро сарвари давлатамон ва ҳамсараш пешвоз гирифтанд.
Ба шарафи меҳмони олиқадр парчамҳои давлатии ду кишвар бардошта шуда, каровули фахрӣ саф орост.
Тибқи барнома, музокироти сатҳи олӣ сурат гирифта, дар ҷараёни он масъалаҳои амиқтар кардани муносибатҳои шарикии ҳамаҷонибаи стратегии Ӯзбекистону Қирғизистон баррасӣ мешаванд.
Дар натиҷаи ин ҳамоиш роҳандозии як қатор лоиҳаҳои бузурги муштараки ҳамкорӣ ва имзои бастаи муҳими ҳуҷҷатҳои дуҷониба дар назар аст.
Президенти Ҷумҳурии Ӯзбекистон Шавкат Мирзиёев ва Президенти Ҷумҳурии Қирғизистон Садир Жапаров музокиротро дар ҳайати васеъ бо иштироки ҳайатҳои расмии ду кишвар идома доданд.
17 июли соли 2024 вазири корҳои хориҷии Ҷумҳурии Ӯзбекистон Бахтиёр Саидов бо Шарлотта Адриан, ки рисолати дипломатии худро ҳамчун Сафири Иттиҳоди Аврупо дар Ӯзбекистон ба анҷом мерасонад, мулоқоти видоӣ анҷом дод.
Директори генералии Созмони умумиҷаҳонии тандурустӣ (СУТ) Тедрос Адан Гебрейесус, ки дар Женева дар ҷаласаи Мақомоти байниҳукуматии музокиракунанда (МБҲМ), ки лоиҳаи созишнома дар бораи пешгирии пандемияро таҳия мекунад, суханронӣ карда, аз эҳтимоли пайдоиши пандемияи нав дар ҷаҳон дар ҳар лаҳза ҳушдор дод.
Ба мақсади фароҳам овардани қулайӣ ба мусофирон аз 23 августи соли 2024 дар ҳар рӯзҳои ҷумъа, шанбе ва якшанбе ҳаракати иловагии поезди барқии «Афросиёб» бинобар хатсайри "Тошканд - Бухоро - Тошканд" ба роҳ монда мешавад.
