Бо мақсади таъмини бефосилаи хонадонҳои аҳолӣ, муассисаҳои соҳаи иҷтимоӣ ва шабакаҳои иқтисодӣ бо захираҳои барқ дар мавсими тирамоҳу зимистон, ҳаммонанди дигар бахшҳои энергетика, дар саноати ангишт низ лоиҳаҳои нав татбиқ гардид, иқтидор ва ҳаҷми истеҳсол зиёд карда мешавад.
Дар мавсими тирамоҳу зимистони солҳои 2024-2025 қариб 8,7 миллион тонна ангишт истихроҷ гардида, ба неругоҳҳои барқу гармидиҳӣ, ташкилотҳои буҷетӣ ва аҳолӣ расонида шуд.
Дар тақдимот гуфта шуд, ки барои мавсими тирамоҳу зимистони солҳои 2025-2026 истеҳсоли 10 миллион тонна ангишт ба нақша гирифта шудааст. Бо ин мақсад, пойгоҳи моддию техникии корхонаҳои Ҷамъияти саҳҳомии «Ӯзбеккӯмир» беҳтар гардида, барои фаъолият кардани истеҳсолкунандагони иловагӣ дар соҳа шароити мусоид фароҳам гардид.
Президент аз рӯйи таъмини бокафолати аҳолӣ бо ангишт дар давоми мавсим дастурҳо дод.
Зарурияти таҷдиди корхонаҳо ва ба кор даровардани иқтидорҳои нави истеҳсолӣ, тавассути рушди тамоюлҳои бозорӣ ва густариши рақобат дар соҳа, поин бурдани арзиши аслии маҳсулот таъкид шуд.
Дар муаррифӣ инчунин масъалаҳои суръатбахшии лоиҳаҳои нави сармоягузорӣ дар самти уран, тавсеаи доираи ҷустуҷӯҳои геологию ҷустуҷӯӣ, ҷорӣ намудани технологияҳои муосир мавриди баррасӣ қарор гирифт.
