Дар оғози суҳбат зикр гардид, ки солҳои охир муносибатҳои дуҷониба байни Ӯзбекистон ва Австрия пайдарпай рушд меёбанд ва динамикаи сафарҳо ва музокирот дар сатҳҳои гуногун хусусияти мусбат касб кардааст.
Ҷонибҳо масъалаҳои тақвияти минбаъдаи ҳамкории тиҷоратию иқтисодӣ, фарҳангию гуманитарӣ, аз ҷумла мубодилаи таҷриба дар соҳаи илм ва маориф, ҷорӣ намудани барномаҳои таълимӣ барои донишҷӯёнро баррасӣ карданд.
Дар вохӯрӣ ҳамчунин дар бораи сафари пешистодаи Президенти Шӯрои Федералии Австрия Андреа Эдер-Гитшталер ба Ӯзбекистон ва аҳамияти он дар рушди муколамаи байнипарлумонӣ ва муносибатҳои байнидавлатӣ гуфта шуд.
Ҳамзамон, таъкид гардид, ки намояндагони парлумони Австрия ба иштирок дар Ассамблеяи 150-солагии Иттиҳоди байнипарлумонӣ, ки 5-9 апрели соли 2025 дар Тошканд баргузор мегардад, таваҷҷуҳи зиёд доранд.
Дар анҷоми мулоқот ҷонибҳо омодагии худро барои густариши минбаъдаи ҳамкориҳои дуҷониба ва татбиқи ташаббусҳои пешбинишуда изҳор карданд.
