Мувофиқи супориши Комиссияи махсус, экологҳо ва кормандони мақомоти ҳифзи ҳуқуқ ҳар шаб рейдҳо гузаронида, ҳолатҳои риоя накардан ба қонунгузории экологиро ошкор мекунанд.

“Бо мақсади амиқтар омӯхтани мушкилоте, ки ҳамаи моро нигарон кардааст, ман ҳам ба онҳо ҳамроҳ шудам. Мо ба яке аз гармхонаҳои ноҳияи Қибрай рафтем. Маълум гардид, ки дар ин гармхона ҳамарӯза қариб 150 килограмм ангишт месӯхтаанд. Табиист, ки ин ба муҳити зист зарари ҷиддӣ мерасонад.

Соҳибкорон барои ҳар як амали худ бояд ҷавобгариро ба дӯш гиранд. Зарареро, ки ба экология расонида мешавад, наметавон бо манфиати моддӣ ё даромади зиёд сафед кард. Шояд фоидаи иқтисодии чунин фаъолият зиёд бошад, аммо зарараш ба саломатии аҳолӣ аз он ҳам бештар аст.

Ҳамзамон, барои фаъолияти қонунӣ ва бехатар бурдани соҳибкорон бояд кумак расонида шавад. Ба Кумитаи экология супориш дода шуд, ки дар муҳлати як рӯз дар ин гармхона филтри замонавӣ насб карда шавад, инчунин барои соҳибкорон семинар-тренинг ва намоиш-фурӯши филтрҳо ташкил гардад”, — гуфт Саида Мирзиёева дар ҷамъомад.