"Challenge Samarkand" пойгаи триатлон таҳти бренди байналмилалии "Challenge Family" мебошад.
Марҳилаи шиноварӣ дар мусобиқаи Challenge Samarkand дар канали қаиқронӣ бо шино кардан ба 1,9 километр баргузор мешавад, хабар медиҳад АИ "Дунё".
Марҳилаи велосипедронӣ, ки масофаи 86 километрро ташкил медиҳад, аз маҷмааи сайёҳии «Роҳи абрешими Самарқанд» оғоз шуда, аз ду давр иборат хоҳад буд. Варзишгарон аз муҷассамаи Амир Темур, ансамбли Регистон, муҷассамаи Бибихонум, бозори Афросиёб убур карда, сипас аз кӯчаҳои Самарқанди муосир мегузаранд.
Давраи давидан дар ҳудуди маҷмааи сайёҳии «Silk Road Samarkand» баргузор мешавад, ки дар он варзишгарон бояд ба масофаи 21,5 километр даванд.
Дар доираи ин мусобиқаҳо чемпионати Ӯзбекистон оид ба триатлон байни моҳирони касбӣ барпо мегардад, ки дар он зуртарин варзишгарони ҷумҳурӣ барои гирифтани номи чемпионҳои мамлакат мубориза мебаранд.
Дар ин чорабинӣ беш аз 2000 варзишгар ширкат хоҳад кард, ки аксари онҳо аз хориҷи кишвар ҳастанд.
