Маҳсулоте, ки дар соҳаҳои гуногуни саноат истеҳсол карда мешаванд ва лоиҳаҳои ба нақша гирифташуда дар ҳамоҳангӣ муаррифӣ карда шуданд.

Дегҳои калону хурд барои низоми гармидиҳӣ, ҷузъҳо барои саноати вазнину сабук, яхдонҳои ҳаҷму иқтидорашон гуногун, таҷҳизоти барқӣ, мотосиклҳо намоиш дода шуданд. Инчунин низоми батанзимоварии харидҳои давлатӣ низ нишон дода шуданд.

Дар тӯли ҳафт соли охир дар вилоят ба маблағи тақрибан 4 миллиард доллар сармоя ҷалб карда шудааст. Дар натиҷаи ин 90 ҳазор ҷойҳои корӣ созмон дода, имконияти содирот ба маблағи 1 миллиарду 800 миллион доллар фароҳам оварда шуд. Соли ҷорӣ дар вилоят 607 лоиҳа ба маблағи 1 миллиарду 300 миллион доллар татбиқ карда мешавад.

Дар вилояти Бухоро 80 лоиҳаи арзиши умумиашон 14 миллиард доллар ташаккул дода шуд, ки ба онҳо сармоягузорони хориҷӣ ва соҳибкорони маҳаллӣ маблағ мегузоранд. Аз онҳо 14 лоиҳа ба маблағи 4 миллиард доллар аз ҷониби сармоягузорон ва роҳбарони соҳа ба Президент муаррифӣ карда шуданд.

Ширкатҳои Чин, Русия, Туркия, Олмон, Арабистони Саудӣ, Ҳиндустон, Малайзия, Куриёи Ҷанубӣ ва дигар ба ин лоиҳаҳо сармоягузорӣ мекунанд. Лоиҳаҳо чунин соҳаҳо ба мисли истеҳсоли масолеҳи сохтмон, электротехника, кимё, бофандагӣ, хӯрокворӣ, дорусозӣ, тиб, саноати маъдани кӯҳӣ, моҳипарварӣ ва дигарро дар бар мегиранд.

Ҳамин тариқ, дар ҳамкорӣ бо Чин дар ноҳияи Ғиҷдувон сохтмони неругоҳи барқии бодии иқтидораш 600 мегаватт, азхудкунии кони графит ва ташкили истеҳсоли аккумуляторҳо барои электроскутерҳо дар ноҳияи Пешкӯ бо иштироки сармоягузори малайзиягӣ, инчунин созмон додани кластери кимёвӣ дар ноҳияи Бухоро бо сармоягузорони эронӣ ба нақша гирифта шудааст.

Татбиқи ин ҳаштод лоиҳа шуғли беш аз 22,2 ҳазор нафарро таъмин хоҳад кард.

Президент оид ба зиёд кардани истеҳсоли маҳсулот бо арзиши иловагӣ ва маҳаллисозӣ, инчунин рушди хидматрасонӣ супоришоти иловагӣ дод.