Дар ин маҳалла, ки ба соҳаи хизматрасонӣ ва савдо ихтисос ёфтааст, 4 ҳазор нафар зиндагӣ мекунанд. Мутобиқи низоми нави шуғл, бо иштироки бонкҳо захираҳои дохилии маҳалла ба таври фаъол истифода мешаванд. Соли гузашта тақрибан 100 сокини маҳалла бо ҷойи кор таъмин шуда, 256 нафар ба худмашғулӣ рӯ оварданд, 13 нафар фаъолияти соҳибкории худро оғоз намуданд. Ду корхонаи истеҳсолӣ ва даҳҳо нуқтаи савдо ва хизматрасонии маишӣ барои сокинон шароити мусоид фароҳам меоранд.
Сарвари давлат бо фаъолияти ин корхонаҳо аз наздик шинос шуд.
Дар маҳалла кӯчаҳои обод, хонаҳои озода, муассисаҳои таълимӣ ва тиббӣ, майдончаҳои варзишӣ, марказҳои таълимӣ, амфитеатр, маркази ҳунармандӣ ва китобхонаву маркази иттилоотӣ фаъолият мекунанд. Ҳоло марказ барои пиронсолон хеле серодам аст.
Президент дар ҷашни суманак иштирок намуда, бо сокинони маҳалла ва намояндагони насли калонсол суҳбати самимӣ анҷом дод. Дар ҷараёни мулоқот нақшаҳои соли ҷорӣ, аз ҷумла таъмин намудани сулҳу субот, дастгирии соҳибкорӣ ва офаридани ҷойҳои нави корӣ баррасӣ шуданд.
– Ман шодам, ки маҳаллаи шуморо чунин обод ва мардумро хушҳол мебинам. Бо мурури замон мо имкониятҳоро дар тамоми ноҳияҳо васеъ хоҳем кард. Аз ҳама муҳимаш, нигоҳ доштани сулҳ ва ваҳдат аст. Ба ёд оред, вазъият дар марзҳои мо пештар чӣ гуна буд? Мо ҳама масъалаҳоро бо тарозуи сиёсӣ ҳал мекунем. Бо шарофати ташкили дурусти кор дар маҳалҳо, вазъияти воқеии 10 ҳазор маҳалларо мебинем. Тавассути низоми "ҳафтгонаи маҳалла" ба ҳар як хона кумак мерасад. Мо ҳоло бояд корҳои зиёдеро анҷом диҳем – баланд бардоштани даромади аҳолӣ, коҳиши сатҳи камбизоатӣ ва сиёсати ҷавонон. Аз ҳамин сабаб, мо ба таълим диққати махсус медиҳем, бахусус ба таҳсили духтарон. Ҷомеае, ки ҷавонони босавод ва маънавияти баланд дорад, ҳатман ба шукуфоӣ мерасад, – таъкид кард Шавкат Мирзиёев.
Дар маҳаллаи Роҳат ҷавонон дар мактаби миёнаи умумӣ, мактаби мусиқӣ ва рассомӣ, маркази "Баркамол авлод" ва литсейи академӣ таҳсил мекунанд. Ба наздикӣ сохтмони муассисаи нави томактабӣ ба анҷом расид, ки барои рушди барвақтии кӯдакон имкониятҳои нав фароҳам меорад.
