"Tashkent Fashion & Textile Expo" намоишгоҳи байналмилалии махсусгардонидашуда дар соҳаи мӯд, чарм, пойафзол, нассоҷӣ ва таҷҳизот барои саноати чарм ба ҳисоб меравад. Мақсади асосии он намоиш додани тамоюлҳои навтарин дар соҳа мебошад. Имсол дар ин чорабинӣ намояндагони Русия, Ӯзбекистон, Қазоқистон, Туркия, Қирғизистон ва Беларус ширкат доштанд. Намоишгоҳ дар шаш секция ташкил карда шуд.
Корхонаҳои аъзои иттиҳодияи «Узчармсаноат» низ маҳсулоти худро намоиш доданд. Дар девораои онҳо тамоилҳо ва комёбиҳои охирини саноати чарм, пойафзол ва пашми Ӯзбекистон инъикос ёфтаанд.
Истеҳсолкунандагони бузурги чарму пойафзол ва маснуоти нассоҷӣ тавонистанд бо як қатор шарикони хориҷӣ робитаҳои тиҷоратӣ барқарор кунанд, музокироти судманд анҷом диҳанд.
Тавре ки ширкаткунандагон ва меҳмонон қайд карданд, ин намоишгоҳ имконияти хубест барои соҳибкорон барои пур кардани дафтарҳои худ бо алоқаҳои нав, пешниҳоди беҳтарин ҳалли тиҷорат ба шарикони эҳтимолӣ, инчунин пешниҳоди маҳсулоти худ ба аудиторияи касбӣ - харидорони саноати нассоҷӣ дар саросари Осиё мебошад.
