Дар баробари пешрафти кишвари мо, ҳаракати шаҳрвандон афзоиш ёфта, робитаҳои байналмилалӣ густариш меёбанд, ки ин дар навбати худ зарурати васеъ намудани инфрасохтори нақлиёти автомобилӣ, роҳи оҳан ва ҳавоиро ба миён меорад.
Аз ҷумла, мувофиқи қарори Президенти Ҷумҳурии Ўзбекистон аз 30 апрели соли 2021 трансформатсияи ҷамъиятҳои саҳҳомии “Uzbekistan Airways” ва “Uzbekistan Airports” идома доранд.
Бинобар ҷамъбасти соли 2021 тавассути фурудгоҳҳои кишвар 5,4 миллион мусофир ва 82 ҳазор тонна бор интиқол дода шуда, ҳаҷми хидматрасонии аз ҷониби ширкатҳои ҳавопаймоии хориҷӣ расондашуда афзоиш ёфт. Дар натиҷаи тадбирҳои оптимизатсияи хароҷот нишондиҳандаҳои молиявии ҳамаи фурудгоҳҳо беҳтар гардид.
Ҳамзамон маҷмӯи нави аэровокзали Фурудгоҳи байналмилалии Самарқанд сохта ба истифода дода шуд. Таҷдиди терминали №2 Фурудгоҳи байналмилалии Тошканд анҷом дода, иқтидори интиқоли он ду баробар афзоиш ёфт. Толори фурудгоҳи Қаршӣ навсозӣ шуд.
Ба мақсади идомаи ин кор стратегияи рушди фурудгоҳҳои кишвар то соли 2035 таҳия шуд.
Зимни муаррифӣ барномаи татбиқи стратегияи мазкур то соли 2026 мавриди баррасӣ қарор гирифт.
Он ихтисосонии фурудгоҳҳо, аз он ҷумла рушди фурудгоҳи Тошкандро ба сифати хаби байналмилалӣ, аэропорти Навоӣ – хаби боркашонӣ, фурудгоҳҳои Самарқанд ва Бухоро – хабҳои сайёҳӣ пешбинӣ менамояд.
Аз ҳисоби таҷдиди фурудгоҳи байналмилалии Тошканд имкони дар як соат то ба 2,4 ҳазор нафар мусофир зиёд гардондани интиқоли мусофирон, шумораи кассаҳои бақайдгирӣ, бунгоҳҳои назорати шиноснома ва дарвозаҳои саворшавӣ ба нақша гирифта шудааст.
Сарвари давлат зарурати васеъ гардондани ҷаҳонбинӣ ва такмили ихтисоси кормандони фурудгоҳ, коҳиш додани вақти хидматрасонии мусофиронро таъкид кард.
Тавре маълум аст, фурудгоҳҳои Андиҷон, Намангон ва Фарғона, ки дар водии Фарғона мавҷуданд, дар ҳудуди шаҳр ҷойгир шуда, бо биноҳои зич иҳота шудаанд, ки имкони тавсеаи онҳоро маҳдуд мекунад. Ба ин муносибат пешниҳод карда мешавад, ки фурудгоҳи нави байналмилалӣ бунёд шавад, ки барои ҳар се минтақа ягона хоҳад буд.
Инчунин нақшаи генералии аэропорти «Тошканд–Шарқӣ» муҳокима шуд. Дар бораи лоиҳаҳои сохтмони терминалҳои нави мусофиркашонӣ дар фурудгоҳҳои Бухоро ва Урганҷ, инчунин оид ба ташкили лоукостери минтақавӣ маълумот дода шуд.
Президент дастур дод, ки рӯйхатро васеъ ва сифати хизматрасонӣ дар фурудгоҳҳоро беҳтар созанд, нархҳои арзонро таъмин намоянд.
Дар тақдимот инчунин нақшаҳои навсозӣ ва зиёд кардани фарогирии низоми таъмини гармӣ баррасӣ шуданд.
Дар давоми чор соли охир дар вилоятҳо 47 дегхона сохта, ба масофаи қариб 80 километр шабакаи гармидиҳӣ гузаронда шуд.
Дар солҳои 2022-2026 бунёди боз 172 дегхона ва 482 километр шабака, навсозии 109 дегхона ва 543 километр шабака ба нақша гирифта шудааст. Дар натиҷа фарогирӣ бо таъминоти марказии гармидиҳӣ аз 52 фоиз ба 66 фоиз меафзояд.
Имконияти бо таҷҳизоти когенератсионӣ муҷаҳҳаз гардондани баъзе дегхонаҳо зикр гардид, ки имкон медиҳад дар баробари гармӣ нерӯи барқ тавлид шавад.
Сарвари давлат доир ба рақамикунонии низоми ҳосилкунӣ ва истеъмоли гармӣ, тавсеаи шарикии давлатию хусусӣ дар соҳа, солимгардонии молиявии корхонаҳои таъмини гармӣ супоришот дод.
