«Аз сабаби ҷанг, мардум маҷбур шудаанд дар кӯча ва дар хаймаҳо зиндагӣ кунанд. Як килограмм шакар, агар умуман дарёфт шавад, ба 100 доллар расидааст. Маҳсулоти асосии хӯрокворӣ умуман вуҷуд надорад — мардум маҷбур мешаванд ба маънои томи калима ба корвонҳои кумакҳои башардӯстона ҳамла кунанд», — гуфт ӯ.
Ба иттилои шабакаи телевизионии Al Qahera News, аз рӯзи чоршанбе чорумин корвони башардӯстонаи Миср ба қаламрави Ғазза ворид шудааст. Дар рӯзҳои охир кишвар ба ин минтақа камаш панҷ ҳазор тонна бор, аз ҷумла маводи хӯрокворӣ, ашёи аввалия ва лавозимоти тиббиро интиқол додааст. Ҳамзамон намояндагони созмонҳои башардӯстона зикр мекунанд, ки дар шароити идомаи низоъ тақсими муътадили ин кӯмакҳо байни аҳолӣ ғайриимкон аст, менависад ria.ru.