Сарвазири Исроил Бенямин Нетаняҳу гуфт, ки кишвараш ба ҷуз идомаи ҷанг дар навори Ғазза "интихоби дигар" надорад, - хабар медиҳад Tengrinews.kz бо истинод ба хабаргузории Euronews.
Нетаняҳу таъкид кард, ки ҷанг дар ин анклав танҳо замоне хотима меёбад, ки ҳама ҳадафҳои пешгузошта, чун нобуд кардани Ҳамос, озод намудани гаравгонҳо ва барҳам додани таҳдиди ин анклав ба Исроил амалӣ гарданд.
Бино ба маълумоти вазорати тандурустии Ғазза, бар асари ҳамлаҳои Исроил ба навори Ғазза тайи ду рӯзи охир дастикам 92 фаластинӣ кушта ва 200 нафари дигар захмӣ шудаанд, хабар медиҳад tengrinews.kz.
Баъди як силсила заминларза дар Истамбул беш аз ҳазор бино каме осеб диданд. Дар ин бора вазири рушди шаҳрсозӣ ва муҳити зисти Туркия Мурат Курум дар шабакаи иҷтимоии X хабар дод.
Теъдоди маҷрӯҳони заминларза дар Туркия ба 236 нафар расидааст. Дар ин бора вазири тандурустии Туркия Кемал Мемисўғлу дар брифинг, ки дар ситоди Департаменти вазъиятҳои фавқулода доир гардид, маълум кард.
