Вазорати иқтисоди Қирғизистон ин лоиҳаро ба кумита дар порлумон пешниҳод кардааст. Дар он се ширкат, аз ҷониби Қирғизистон ҶСК «Нур» ва ҶММ «ДТ Техник», аз ҷониби Ӯзбекистон — ширкати давлатии «Ӯзавтосаноат» ширкат мекунанд, хабар медиҳад АИ «Бишкек24.kg».

Дар марҳалаи аввал бунёди 10 ҳазор автомашина, аз ҷумла микроавтобусҳо, пикапҳо, седанҳо ва ғайра, таъсиси 500 ҷойи корӣ дар назар аст.

Дар давраи дуюм (дар солҳои 4-5) — 20 ҳазор автомашина (1 ҳазор ҷой). Ва дар давраи сеюм (соли 6-ум) — 30 ҳазор автомашина (2 ҳазор ҷои кор).

Ҳоло арзиши ояндаи онҳо ҳисоб карда мешавад. Интизор меравад, ки нархҳо рақобатпазир бошанд.

Гуфта мешавад, ки созишнома дар бораи ин лоиҳа дар ҷараёни сафари Шавкат Мирзиёев ба Қирғизистон, ки 26 январи соли ҷорӣ дар назар аст, имзо шавад.