Дар маросими ифтитоҳ намояндагон ва соҳибкорони Ӯзбекистон ва Афғонистон ширкат варзиданд.
Аҳамияти хонаи савдо барои ба бозори Афғонистон овардани навъҳои зиёди маҳсулоти истеҳсоли Ӯзбекистон ва қонеъ гардонидани талаботи дохилӣ қайд гардид.
Ифтитоҳи хонаи савдо ба таҳкими робитаҳои дуҷониба ва рушди минбаъдаи ҳамкориҳои тиҷоратӣ мусоидат хоҳад кард. Дар ин ҷо маҳсулоти электротехникӣ ва технологияҳои нав муаррифӣ мегарданд, ки имкониятро барои барқарорсозии робитаҳои мустақими тиҷоратӣ бо харидорони маҳаллӣ фароҳам меоранд.
Иштирокчиён бо намунаи маҳсулоти электротехникӣ шинос шуданд.
Дар доираи сафар намояндагони Ассотсиатсияи «Ӯзэлтехсаноат» дар шаҳри Кобул масъалаҳои бастани созишномаҳои мустақими тиҷоратӣ, таҳкими ҳамкорӣ ва татбиқи лоиҳаҳои дарозмуддатро муҳокима карданд. Ба таҳлили ниёзҳои бозори Афғонистон диққати махсус дода шуд.
Тибқи маълумоти хадамоти матбуотии ассотсиатсия, имкониятҳои нави тиҷоратӣ ба афзоиши ҳаҷми содирот аз Ӯзбекистон ва таҳкими минбаъдаи ҳамкориҳои иқтисодии дуҷониба мусоидат хоҳанд кард.
