Дар чорабинӣ роҳбарияти Ассамблеяи халқи Қазоқистон дар Алмаато, намояндагони доираҳои ҷамъиятӣ-сиёсӣ, тиҷоратӣ, илмию академикии Қазоқистон, фондҳои ҷамъиятии "Родник", "Алтын Копыр", "Тулга Достык", марказҳои этно-фарҳангии Чимкент, Туркистон, Қизилўрда, Тараз, Алмаато, иттиҳодияи этно-фарҳангии қароқалпоқи “Аму жагаси” ва ҳамватанон иштирок карданд.
Сафири Ӯзбекистон Саидикром Ниёзхӯҷаев дар суханронии табрикии худ дастовардҳои ҷумҳуриро дар солҳои Истиқлолият, вазифаҳои азими рушди минбаъдаи иқтисодиёт, бунёди Ӯзбекистони Навро қайд кард. Рушди босуръати муносибатҳои дӯстонаи байни бародарони ӯзбек ва қазоқ, густариши робитаҳои иқтисодӣ, саъю талошҳои муштарак барои рафъи мушкилоти душвори ҷаҳони муосир, таҳкими сулҳу субот дар минтақаи Осиёи Марказӣ алоҳида таъкид гардид.
Сафир инчунин дар бораи корҳое, ки барои баргузории интихоботи Президенти Ӯзбекистон 24 октябри соли равон анҷом дода мешаванд, иттилоъ дода, изҳори боварӣ намуд, ки мақомоти ҳокимият дар маҳалҳо, намояндагони ҷомеаи Қазоқистон, марказҳои этно-фарҳангии ӯзбекҳо, васоити ахбори омма дар бомуваффақият гузаронидани ин чорабинии муҳими сиёсӣ кӯмаки ҳамаҷониба хоҳад расонд ва шаҳрвандони Ӯзбекистон дар интихобот фаъолона иштирок хоҳанд кард.
Роҳбари котиботи Ассамблеяи халқи Қазоқистон дар Алмаато Назар Балгимбоев ба сатҳи муносибатҳои кунунии шарикии стратегии Ӯзбекистону Қазоқистонро баҳои баланд дода, динамикаи афзояндаи тиҷорати мутақобила, ҳамкории сармоягузорӣ, робитаҳои байниминтақавӣ ва фарҳангӣ-гуманитариро қайд кард. Ӯ махсусан нақши марказҳои этнофарҳангии ӯзбекӣ ва қарақалпоқии шаҳри Алмааторо дар таҳкими ризоияти байни миллатҳо ва динҳо дар Қазоқистон махсусан қайд кард.
Агентии иттилоотии «Дунё» хабар медиҳад, ки меҳмонони форум муваффақиятҳо ва дастовардҳои дар тӯли солҳои истиқлолият ба даст овардаи Ӯзбекистон, мустаҳкамшавии робитаҳои байни халқҳои ӯзбек ва қазоқро қайд намуда, ба мардум ва роҳбарияти кишвар таманноҳои гарму ҷӯшон изҳор карданд.
Дар рафти чорабинӣ барои хидматҳояшон дар таҳкими минбаъдаи дӯстӣ ва ҳамкорӣ байни халқҳои бародари Ӯзбекистон ва Қазоқистон ба намояндагони ҷомеа, доираҳои корчаллон, роҳбарияти марказҳои этно-фарҳангии ӯзбеки шаҳрҳои Чимкент, Туркистон, Қизилӯрда, Тараз, Алмаато, ин чунин ҳамватанон гарамотаҳо ва туҳфаҳо супурда шуданд.
Ба иштирокдорони чорабинӣ барномаи консертӣ бо иштироки овозхони ӯзбек Бахтиёр Матназаров ва гурӯҳи рақсии “Фиеста” пешкаш карда шуд. Меҳмонон инчунин имконият доштанд, таомҳои миллӣ, аз ҷумла палави анъанавии ӯзбекиро бичашанд.
