Телевизиони марказии Чин хабар дод, ки дар шаҳри Чжэнчжоу, музофоти марказии Ҳенани Чин бар асари тумани шадид беш аз 200 мошин бархӯрд ва дастикам як нафар ба ҳалокат расид.
Ҳодиса субҳи рӯзи чаҳоршанбе дар пули дуҷониба рух додааст. РИА Новости хабар медиҳад, ки теъдоди зиёди мошинҳо ба далели бад будани биниш дар роҳ ба ҳам бархӯрданд.
Яке аз наҷотдиҳандагон, ки дар ҷои ҳодиса кор мекарданд, ба радиои маҳаллии "Ҳенан сзяотун" гуфтааст, ки тибқи тахминҳои аввалия, ба гирдоби садама беш аз 200 мошин афтидаанд.
Ҳоло 11 мошини оташнишонӣ ва 66 наҷотдиҳанда оқибатҳои садамаи бузургро бартараф мекунанд.
Агентии Синхуа рӯзи душанбе хабар дод, ки истеҳсолкунандаи мошинҳои барқии чинӣ XPeng дар шаҳри Гуанжоу дар ҷануби Чин ба сохтмони маркази таҳқиқот, таҳия ва тавлиди мошинҳои парвозкунанда оғоз кардааст.
Роҳи оҳани "Чин-Қирғизистон-Ӯзбекистон" дар давоми панҷ сол сохта мешавад. Дар ин бора раиси Девони Вазирони Қирғизистон Оқилбек Ҷапаров зимни конфронси байналмилалии илмӣ-амалии «Рушди тафаккури иқтисодӣ: тадқиқот ва ҳалли онҳо» изҳор дошт.
