"Гӯшаи амрикоӣ" маълумотро дар бораи Иёлоти Муттаҳида, аз ҷумла имкониятҳои таҳсил дар ИМА, инчунин дастрасӣ ба интернет, маҳфилҳои забони англисӣ ва ғайра пешкаш мекунад.
Гӯшаи майдонаш 126 метри мураббаъ, ки дар ошёнаи якуми мактаби «Истиқболи кӯдакони замон» воқеъ гардидааст, дуюмин «Гӯшаи амрикоӣ» берун аз ҳудуди Тошканд ба ҳисоб меравад, гӯшаи аввал моҳи марти соли 2021 дар Қарши кушода шудааст.
"Гӯшаи амрикоӣ" дар Намангон ба меҳмонон дастрасии ройгон ба захираҳои китобхонаҳои муосир, толори конфронси динамикӣ, нашрҳои электронӣ ва чопии китобҳо, доираи васеи захираҳои таълимӣ ва фарҳангӣ бо забони англисӣ, утоқи компютерӣ бо дастрасии интернетро фароҳам меорад. Он инчунин Маркази машваратии EducationUSA-ро дар бар мегирад, ки ба донишҷӯёни ояндаи бакавлариат ва аспирантура, ки мехоҳанд дар Иёлоти Муттаҳида таҳсил кунанд, хидмати машваратии ройгон пешкаш мекунад.
«Гӯша» макони баромади нотиқони даъватшуда, мутахассисони Амрико мебошад. Дар ин ҷо инчунин чорабиниҳои беруназсинфӣ, аз қабили намоиши филмҳо бо забони англисӣ ва маҳфилҳои гуфтугӯӣ баргузор мегарданд.
«Мо хурсандем, ки "гӯшаи амрикоӣ"-и Намангон акнун ба зиёда аз 600 "гӯшаҳои Амрико" дар 139 кишвари ҷаҳон ҳамроҳ мешавад, ки меҳмонон метавонанд дар бораи Иёлоти Муттаҳида маълумот гиранд. Умедворем, ки ифтитоҳи ин «гӯша» марҳалаи муҳим дар таҳкими муносибатҳои на танҳо байни ҳукуматҳои мо, балки байни мардуми Амрико ва мардуми Ӯзбекистон хоҳад буд», - гуфт сафири ИМА Ҷонатан Ҳеник дар суханронии ифтитоҳии худ.
