Конфронси байналмилалӣ таҷассуми амалии ташаббусҳои муҳими
Президенти Ҷумҳурии Ӯзбекистон буда, ба тавсеаи иштироки фаъоли ҷавонон дар ҳаёти
ҷомеа ва давлат, таҳкими нақши онҳо дар фаъолияти парламент, рушди муколамаи ҷаҳонӣ
ва ҳамкорӣ миёни намояндагони насли ҷавон равона шудааст.
Тибқи интизориҳо, дар кори конфронс қариб 300 нафар иштирок мекунанд, ки дар байни онҳо
намояндагони 183 кишвар, 15 созмони байналмилалӣ ва тақрибан 50 нозири доимӣ ҳастанд.
Дар миёни онҳо парламентарҳои ҷавон, роҳбарон ва намояндагони парламентҳо,
созмонҳои байналмилалӣ ва ниҳодҳои ҷомеаи шаҳрвандӣ қарор доранд.
Дар доираи конфронс парламентчиёни ҷавон масъалаҳои
мубрами ҷаҳони муосирро баррасӣ намуда, оид ба таъмини ҳуқуқ ва шаъну шарафи
инсон, таҳкими принсипҳои адолат, таъмини сулҳу субот, инчунин баланд
бардоштани нақши ҷавонон дар расидан ба Ҳадафҳои рушди устувор мубодилаи афкор
ва таҷриба хоҳанд кард.
Ҳамчунин дар доираи конфронс Форуми III ҷаҳонӣ бахшида ба
ҳамкории байнипарламентӣ дар роҳи расидан ба Ҳадафҳои рушди устувор баргузор
мегардад.
Имрӯз дар шароити тағйироти босуръат, пайдоиши чолишҳо ва
таҳдидҳои нав дар ҷаҳон таъмини иштироки ҷавонон дар равандҳои қабули қарорҳо,
дастгирии иқтидор ва ташаббусҳои онҳо аҳаммияти муҳим пайдо мекунад. Дар ин
замина, конфронси мазкур барои парламентарҳои ҷавон на танҳо майдони муҳими
байналмилалӣ барои табодули таҷриба ва андешаҳо, балки барои пешниҳоди ташаббусҳои
мушаххас ва ба роҳ мондани ҳамкории амалӣ низ мебошад.
