Ҳангоми ифтитоҳи чорабинӣ Танзила Нарбаева таъкид кард, ки Ӯзбекистон ҳамкориҳоро бо BCI, махсусан дастгирии ин созмонро дар таҳкими устувории соҳаи кишоварзӣ, густариши принсипҳои меҳнати шоиста ва тақвияти шаффофият дар занҷирҳои таъминоти пахта ва матоъ баланд арзёбӣ мекунад.

Зикр гардид, ки соҳаи пахтаву нассоҷӣ яке аз бахшҳои асосии иқтисоди кишвар буда, дар солҳои охир ба шарофати ислоҳоти куллӣ ба тағйироти ҷиддӣ ноил шудааст. Имрӯз ҷуғрофиёи содироти пахта ва маҳсулоти нассоҷии Ӯзбекистон беш аз 80 давлатро дар бар мегирад.

Барои боз ҳам тавсеа бахшидани содирот, ҷалби сармоягузорӣ ва ворид кардани брендҳои бузурги байналмилалӣ татбиқи стандартҳое, ки бар асоси принсипҳои устувории экологӣ, меҳнати шоиста ва риояи талаботи техникию истеҳсолии байналмилалӣ асос ёфтаанд, аҳамияти хоса дорад.

Дар мулоқот масъалаҳои истифодаи васеътар аз стандартҳои BCI мавриди баррасӣ қарор гирифтанд. Аз ҷумла, ҷонибҳо ба мувофиқа расиданд, ки имконияти қабул намудани стандартҳои BCI ҳамчун стандарти миллӣ; омода намудани аудиторҳои миллӣ дар ин самт; татбиқи лоиҳаи муштарак барои кам кардани хароҷоти сертификатсия барои соҳибкорони хурду миёна ва кӯтоҳ кардани муҳлати арзёбӣ барои гирифтани сертификат баррасӣ карда шавад.

Самтҳои умедбахши ҳамкорӣ — густариши иштироки Ӯзбекистон дар намоишгоҳҳо ва форумҳои байналмилалӣ оид ба матоъи устувор, рушди ҳамкорӣ бо брендҳои ҷаҳонӣ, инчунин баргузории чорабиниҳои байналмилалӣ бо иштироки онҳо дар қаламрави Ӯзбекистон муайян гардиданд.

Дар поёни мулоқот ҷонибҳо омодагии худро барои амиқтар кардани ҳамкорӣ ва амалисозии ташаббусҳои нави муштарак изҳор намуданд.