Дар ҷараёни мулоқот қайд карда шуд, ки Тошканду Душанбе нақшаю вазифаҳои ба ҳам монанд, инчунин дурнамои бузурги рушди ҳамкорӣ доранд.
Намояндагони ҳокимият дар бораи лоиҳаи "Тошканди рақамӣ" ва ҷузъҳои он: геопортал, панели таҳлилӣ ва панели идоракунӣ, баҳисобгирии дороиҳои мунисипалӣ, инчунин харитаи гармидиҳии шаҳр оид ба параметрҳои гуногун (садамаҳои роҳ, сӯхтор дар мактабҳо ва ғ.) маълумот доданд.
Дар навбати худ меҳмонон дар бораи ҷорӣ гардидани низоми рӯзномаҳои электронии хонандагони мактабҳо дар шаҳри Душанбе бо мониторинги вуруд ва хуруҷи кӯдак аз муассисаи таълимӣ ва ирсоли SMS ба волидон маълумот доданд.
Ҳамкорӣ дар соҳаи идоракунии нақлиёти шаҳрӣ, ҷамъоварӣ ва коркарди партовҳо ва пардохтҳо барои ин хидматҳои мазкур таваҷҷӯҳи тарафайнро ба амал овард, иттилоъ медиҳад хидмати матбуоти ҳокимият.
Ҷонибҳо ба мувофиқа расиданд, ки мубодилаи гурӯҳҳои кориро барои ҳамкории наздиктар аз рӯи як қатор масъалаҳо анҷом диҳанд. Ҳайати шаҳри Душанбе роҳбарияти Тошкандро ба "Форуми пойтахтҳои СҲШ", ки 6 сентябри соли 2021 дар Душанбе баргузор мешавад, даъват намуд.
