Ин ҳолат аз ҷониби гурӯҳи кории ҳокимияти шаҳри Тошканд мавриди омӯзиш қарор гирифт. Муайян шуд, ки лавҳа бидуни ҳуҷҷатҳои иҷозатдиҳанда насб гардида, ҳамчунин талаботи Қонунҳои Ҷумҳурии Ӯзбекистон «Дар бораи забони давлатӣ» ва «Дар бораи реклама» риоя нашудаанд.
Дар ҳокимият хотиррасон намуданд, ки тибқи қонунгузории амалкунанда маълумоти рекламавӣ бояд ба забони давлатӣ пешниҳод карда шавад.
Дар ҳолати зарурат онро метавон ба дигар забонҳо низ такрор кард, вале дар ин сурат мавқеи афзалиятноки матн ба забони давлатӣ бояд ҳифз гардад ва маводҳои рекламавӣ бояд тибқи тартиби муқаррарнамудаи қонун ҷойгир карда шаванд.
Бо асоси қонуншиканиҳои ошкоршуда лавҳаи рекламавии ғайриқонунӣ насбшуда бардошта шуд.
Ба соҳибкорон ҳушдор дода шуд, ки ҳангоми насби лавҳаҳои рекламавӣ, баннерҳо ва дигар воситаҳои иттилооти берунӣ бояд тартиби гирифтани иҷозатномаҳо ва инчунин талаботи қонунгузорӣ дар бораи забони давлатӣ ва реклама қатъиян риоя карда шаванд.
Дар сурати ошкор шудани қонуншиканиҳо маводҳои рекламавӣ бардошта шуда, нисбат ба шахсони масъул чораҳои дахлдор андешида мешаванд.
