Мақсад аз баргузории чорабинӣ таъмини муттасилӣ ва пайдарпайии марҳилаҳои таълим, ба роҳ мондани ҳамгироии таҳсилоти томактабӣ ва мактабӣ, фаъол гардонидани ҳамкорӣ бо волидон ва ба куллӣ баланд бардоштани сатҳи омодагии кӯдакон ба таҳсил мебошад.

Ҳоло дар мамлакати мо қариб 30 ҳазор муассисаи томактабӣ мавҷуд аст, ки дар онҳо бештар аз 2 миллион нафар писарону духтарон таҳсил мекунанд. Аз ин шумор дар соли таҳсили 2022/2023 563331 нафар тарбиятгирандагон боғчаро хатм мекунанд.

Бино ба иттилои дафтари матбуоти Агентии тарбияи томактабӣ, дар соли таҳсили 2023/2024 ба мактабҳои таҳсилоти умумии ҷумҳурии мо фаро гирифтани 732 ҳазору 960 нафар хонандагон ба синфи 1 дар назар аст.