Ташкилкунандагони конфронс Вазорати сармоягузорӣ ва савдои хориҷӣ, Палатаи савдо-саноати Ӯзбекистон, Сафорати Ҷумҳурии Ӯзбекистон дар Австрия, Палатаи федералии иқтисодии Австрия, Намояндагии савдои Австрия дар Осиёи Марказӣ, инчунин дигар агентию идораҳои дахлдори ҷумҳуриамон мебошанд.

Иштироки беш аз сад ширкати австриягӣ аз минтақаҳои ҳамсоя (кишварҳои Осиёи Марказӣ ва Осиёи Ҷанубӣ, Русия, Туркия, Украина ва ғайра) дар «Austria Connect Central Asia» дар назар аст, ки онҳо дар рафти сессияҳои мухталифи чорабиниҳо дар бораи иқтидори иқтисодӣ, имкониятҳои сармоягузорӣ, қонунгузорӣ, сиёсати фискалӣ ва дигар ҷанбаҳои муҳими пешбурди тиҷорат дар Ӯзбекистон маълумот дода хоҳад шуд.

Ҳадафи аслии ин чорабинӣ рушди ҳамкориҳои сармоягузорӣ ва тиҷоративу иқтисодии Ӯзбекистон ва Австрия, роҳандозии робитаҳои мустақим байни доираҳои соҳибкории ду кишвар, бастани созишномаҳои нави сармоягузорӣ ва содирот, инчунин ҷалби субъектҳои иктисодии Австрия ба ҷустуҷӯи шарикони ояндадори тиҷоратӣ мебошанд.

Дар арафаи конфронс 30-31 майи соли 2022 боздиди ҳайати тиҷоратии навбатии Ҷумҳурии Австрия ба амал меояд, ки он дар формати “G2B” ва “B2B” бо вазорату идораҳои Ӯзбекистон ва ширкатҳои ватанӣ музокирот анҷом медиҳад, инчунин аз корхонаҳои истеҳсолии маҳсулоти содиротии Ӯзбекистон дидан мекунанд, хабар медиҳад хадамоти матбуоти Вазорати корҳои хориҷии Ӯзбекистон.