Ҳодисаи ваҳшиёна, ки дар як кӯдакистони хусусии оилавии шаҳри Олмалиқи вилояти Тошканд рух додааст, намояндагони ҷамъиятиро ба шӯр оварданд. Дар наворҳое, ки дар шабакаҳои иҷтимоӣ паҳн шудаанд, латукӯби духтарчаи ноболиғи дусола О.М. (соли таваллудаш 2023) аз ҷониби мураббӣ сабт шудааст.
Ваколатдор оид ба ҳуқуқи кӯдакон изҳор дошт, ки вазъро таҳти назорат гирифта, тафтишоти хидматӣ оғоз намудааст.
Тибқи маълумоти пешниҳодшуда, 16 июли соли 2025 духтарчаро мураббии кӯдакистон К.Г. латукӯб кардааст. Кӯдак аз тарафи чапи рӯяш ҷароҳат бардоштааст.
Ҳоло шӯъбаи корҳои дохилии шаҳри Олмалиқ тафтишоти пешакӣ анҷом медиҳад. Инчунин, оид ба ҷароҳатҳои бардоштаи кӯдак экспертизаи судиву тиббӣ таъин шудааст.
Омбудсман назорати ин қазияро идома дода, таъкид кардааст, ки нисбати амалҳои зидди манфиатҳои кӯдак чораҳои қонунӣ андешида мешавад ва дар ин замина маълумоти иловагӣ пешниҳод мегардад.
Ҷомеа талаб дорад, ки дар масъалаи амнияти кӯдакон назорати ҷиддӣ ва ҷавобгарии масъулон таъмин карда шавад.
