Қарор аз рӯи натиҷаи мониторинг, ки аз ҷониби намояндаи минтақавии Ваколатдори Олий Маҷлиси Ҷумҳурии Ӯзбекистон оид ба ҳуқуқи инсон (Омбудсман) якҷоя бо гурӯҳҳои ҷамъиятӣ гузаронида шуд, қабул гардид.
Тибқи маълумоти хадамоти матбуоти Омбудсман, моҳи июни соли 2025 ба боздоштгоҳҳои муваққатии назди шуъбаҳои корҳои дохилии ноҳияҳои Қуйичирчиқ ва Чиноз ташрифҳо анҷом дода шуданд. Дар ҷараёни санҷишҳо қонунвайронкуниҳои зиёд дар шароити нигоҳдории шахсон ошкор гардид.
Аз рӯи натиҷаи мониторинг Омбудсман ба Вазорати корҳои дохилӣ пешниҳод ирсол кард ва рафъи камбудиҳои ошкоршударо талаб намуд.
Дар натиҷаи чораҳои андешидашуда дар боздоштгоҳи муваққатии ноҳияи Қуйичирчиқ корҳои таъмирӣ гузаронида шуданд. Дар ин ҷо низоми вентилятсия ва таҷҳизоти радиопахшкунӣ насб гардида, камераҳо бо ашёи зарурӣ таъмин шуданд. Ҳамчунин ҳавлӣ барои гардиш ва ҳоҷатхонаю ҳаммомҳо навсозӣ гардида, ба талаботи санитариву гигиенӣ мутобиқ гардонда шуданд.
Ҳамзамон, нисбат ба боздоштгоҳҳои муваққатии ноҳияҳои Чиноз, Қибрай ва Юқоричирчиқ, ки шароити нигоҳдорӣ дар онҳо ба талаботи муқарраргардида ҷавобгӯ набуд, қарори ниҳоӣ қабул гардид. Бо фармони вазири корҳои дохилӣ аз 21 июли соли 2025 фаъолияти онҳо пурра қатъ карда шуд.
