Бар асари бархӯрди барқ ба лагери паноҳандагон дар Уганда дасти кам 14 кӯдак ҳалок ва беш аз 30 нафар маҷрӯҳ шуданд.
Дар ин бора Би-би-сӣ бо такя ба пулиси маҳаллӣ хабар додааст.
Ҳодиса рӯзи шанбе дар лагери Палабек дар Ламво дар шимолу шарқи кишвар рух дод, ки дар он беш аз 80 ҳазор паноҳанда, асосан аз Судони Ҷанубӣ, нигаҳдорӣ мешаванд.
Бино ба гузориши Би-би-сӣ, барқ ба калисое бархӯрд, ки дар он маросими таҷлил баргузор мешуд. Дар маҷмӯъ 34 нафар маҷрӯҳ шудаанд, хабар медиҳад tass.ru.
Ракетаи хусусии ҷопонии Kairos-2, ки аз ҷониби ширкати Space One таҳия шудааст ва парвози он борҳо бинобар шароити номусоиди ҳаво ба таъхир гузошта шуда буд, аз космодроми хусусии Spaceport Kii дар префектураи Вакаямо сар дод шуд. Намоиши мустақим дар канали YouTube сурат гирифт.
Ҳарбиёни ИМА мушаки гиперсадои миёнапарвози Long Range Hypersonic Weapon (LRHW, бо номи Dark Eagle) -ро дар иёлоти Флорида озмоиш карданд. Тавре ки Report хабар медиҳад, дар изҳороти Пентагон дар ин бора маълумот дода шудааст.
