Ширкати Synergy Consulting ба ҳайси мушовири молиявӣ, ширкати туркии Dolsar Engineering ба ҳайси мушовири техникӣ ва Unicase аз Қазоқистон ба ҳайси мушовири ҳуқуқӣ интихоб шуданд. Дар ин бора хидмати матбуоти Вазорати энергетика хабар медиҳад.
Сохтмони панҷ НБО бо иқтидори умумии 46,6 МВт – “Дукентсой”, “Қамчиқ”, “Қизилдарё”, “Қӯйи Кӯксу” ва “Сувлисой” ба нақша гирифта шудааст. Ҳама лоиҳаҳо ҳамчун як лот намоиш дода мешаванд.
Арзиши умумии неругоҳҳои оянда 106,9 миллион доллар арзёбӣ мешавад. Пешбинӣ шудааст, ки баъди ба истифода дода шудани онҳо дар якҷоягӣ соле ба ҳисоби миёна 179 миллион киловатт-соат неруи электр ҳосил мекунанд.
Баргузории тендер бинобар ҳамаи лоиҳаҳо дар як лот равандҳои сохтмонро содда ва оптимизатсия мекунад, самаранокӣ ва шаффофияти онҳоро афзоиш медиҳад. Барои таъмини суботи молиявӣ ва риояи стандартҳои муҳандисӣ таҷрибаи хориҷӣ истифода мешавад.
Ҳама сармоягузорони ҳавасманд, ҳам маҳаллӣ ва ҳам хориҷӣ, даъват карда мешаванд, ки барои додани дархости тахассусӣ (RFQ) барои иштирок дар лоиҳа пешниҳод кунанд. Қарор аст, тендер дар моҳи август оғоз шавад ва ҳамзамон тафсилоти онҳо нашр карда мешавад.
