Фармони Президент «Дар бораи тадбирҳои навбатӣ оид ба баланд бардоштани ҳосилнокии заминҳои кишоварзӣ ва фароҳам овардани шароити мусоид барои ҷалби сармоягузорӣ ба соҳа» (№ФП-18 аз 03.02.2025) қабул гардид.
Тибқи Фармон, дар шакли таҷрибавӣ низоми нави ҷудо кардани қитъаҳои заминҳои кишоварзӣ таъсис дода мешавад, ки он ба мустақилияти иҷорагирон ва парвариши зироатҳои дорои арзиши баланди иловагӣ асос меёбад.
Дар доираи низоми нав:
Қитъаҳои замин бо андозаи аз 3 то 50 гектар бидуни вайрон кардани тамомияти контурҳо ва низоми обёрӣ тавассути музоядаҳои электронии «E-auksion» ба фурӯш гузошта мешаванд;
дар музоядаҳои электронии онлайн метавонанд ҳамаи шахсони воқеӣ ва ҳуқуқии резидент, аз ҷумла корхонаҳо бо сармоягузории хориҷӣ, новобаста аз маҳалли истиқомат, шакли ташкиливу ҳуқуқӣ ва доштани ё надоштани қитъаи дигари замин иштирок намоянд;
дар доираи низоми нав ғолиби музоядаи электронии онлайн – иҷорагир, илова ба ҳуқуқ ва уҳдадориҳое, ки Кодекси замин муайян кардааст, ҳуқуқҳои зеринро низ ба даст меорад:
истифодаи қитъаи замин дар асоси ҳуқуқи иҷора барои 49 сол;
мустақилона муайян кардани намудҳо, навъҳо ва ҳаҷми зироатҳои кишоварзӣ;
додани қитъаи замин ба субиҷора.
ҷойгир кардани объектҳои хидматрасонии соҳаи кишоварзӣ дар майдони канори заминҳо, на бештар аз 20 сотих.
