Бино ба иттилои Узгидромет, рӯзи шанбеи 4 декабр дар вилоятҳои Бухоро ва Навоӣ борони кӯтоҳмуддат идома меёбад. Дар дигар минтақаҳо бориш намешавад. Ҳарорати паст шуда, шабона 5-10 ва рӯзона 9-14 дараҷа гарм мешавад.
Рӯзи якшанбе ба тамоми қаламрави Ӯзбекистон ҳавои салкин паҳн мешавад. Дар баъзе ҷойҳои ҷумҳурӣ борон меборад, дар ноҳияҳои кӯҳӣ боришот (борон, барф) мешавад. Дар Қароқалпоқистон, вилоятҳои Хоразм, Андиҷон, Намангон ва Фарғона бориши борон пешбинӣ нашудааст. Ҳарорати ҳаво дар ин рӯз низ нисбатан паст шуда, шабона 2-7, рӯзона 5-10, дар шимол 3-8 ва 0-5 дараҷа гарм мешавад.
