Дар чорабинӣ ҳайатҳои воҳидҳои сарҳадии Ҷумҳурии Ӯзбекистон, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Россия, Ҷумҳурии Тоҷикистон, Туркманистон, Хадамоти ҳамоҳангсозии Шӯрои фармондеҳони Қӯшунҳои сарҳадӣ, инчунин ҳамчун даъватшуда ҳайатҳои Маркази зиддитеррористии давлатҳои аъзои ИДМ ва Кумитаи иҷроияи Сохтори минтақавии зиддитеррористии СҲШ иштирок карданд.
Иштирокчиёни вохӯрӣ таъсири омилҳои геосиёсии муосирро ба маҷмӯи чолишҳо ва таҳдидҳо ба амнияти сарҳадӣ дар сарҳадҳои берунии кишварҳои узви ИДМ дар минтақаи Осиёи Марказӣ баррасӣ намуда, барои муқовимат бо онҳо тадбирҳо таҳия намуданд.
Сарони ҳайатҳо изҳор доштанд, ки Шӯрои фармондеҳон худро ҳамчун як платформаи муассири байнидавлатӣ барои таҳия ва татбиқи равишҳои муттаҳидшуда оид ба масъалаҳои кунунии таъмини амнияти сарҳадӣ намоиш доданд.
Онҳо мавқеро оиди аҳамияти рушди минбаъда ва таҳкими ҳамкориҳои сарҳадӣ дар асоси ҳамдигарфаҳмӣ, эътимод ва ҳамсоягии нек, инчунин рушди Шӯрои фармондеҳони Қӯшунҳои сарҳадӣ тавассути истифодаи ҳадди аксари иқтидори он дар бунёди ҳамкориҳои бисёрҷониба дар минтақаи сарҳадӣ, аз ҷумла бо сохторҳои кории сохторҳои соҳавии созмонҳои байналмилалӣ дастгирӣ карданд.
