Дипломат ба рафти ислоҳот дар Ӯзбекистон ва пешрафти кишвари мо дар тамоми соҳаҳои ҳаёти давлат ва ҷомеа баҳои мусбат дод.

Дар рафти мулоқот ҷанбаҳои мубрами муносибатҳои Ӯзбекистону Сингапур дар соҳаҳои гуногун баррасӣ шуданд.

Ба зарурати татбиқи ҳамаҷонибаи иқтидори ҳамкориҳои дуҷониба, аз ҷумла тавассути фаъол гардонидани робитаҳо тавассути ташкили сафарҳои мутақобила, баргузории машваратҳои байни ВКХ, тавсеаи заминаи ҳуқуқӣ, инчунин ҳамоҳангсозии талошҳо дар доираи созмонҳои байналмилалӣ таваҷҷуҳ зоҳир гардид.

Оид ба ҷадвали чорабиниҳои ба нақша гирифташуда дар сатҳҳо ва форматҳои гуногун табодули афкор сурат гирифт.

Ҷонибҳо бо мақсади ҳавасмандгардонии дипломатияи иқтисодӣ аҳамияти барқарор намудани робитаҳои мустақими доираҳои соҳибкорӣ, ташкили форумҳои тиҷоратӣ, табодули таҷриба оид ба рушди тиҷорати электронӣ, «иқтисодиёти сабз», татбиқи лоиҳаҳо дар соҳаҳои таълим, тандурустӣ, дорусозӣ ва ғайраро таъкид намуданд.

Пас аз мулоқот, ки дар фазои дӯстона ва эътимод сурат гирифт, тавофуқ ҳосил шуд, ки талошҳои муштарак барои густариши робитаҳо дар тамоми соҳаҳо ба нафъи мардуми ду кишвар идома дода шаванд, хабар медиҳад хидмати матбуоти Вазорати корҳои хориҷии Ҷумҳурии Ӯзбекистон.